"يأسك وصبرك بين إيديك وانت حر
تيأس ما تيأس الحياة راح تمر
أنا دقت من ده ومن ده عجبي لقيت
الصبر مر وبرضك اليأس مر
عجبي !!" - صلاح جاهين

الراجل بيتكلم عن اليأس كأنه سبب لعدم الاحساس بمرور الحياة، أو مثلًا إنك هتيأس فالحياة هتمر برضه. لكن يعني يا عم صلاح، اليأس درجات، وفي يأس الحياة مابتمرش معاه، وبتتوقّف فترة طويلة، أو بتتوقّف خالص يعني، أو بتستمر يعني على رأيك، تلاقي الحياة بتمر، وتتفهم وجهة نظر وودي آلن لما قال إن الحياة ما بين سيء/فظيع وما بين بائس/تعيس، بس برضه في نفس الوقت تخالف وجهة النظر دي، ويفضل جزء بسيط جواك، شايف إن الحياة لا يزال فيها أوقات حلوة لا بأس بها والله


وعجبي عليك يا ابن/بن آدم _بشكل عام يعني_ تبات في حال وتصبح في حال، وبعدين تبات في حال تاني وتصبح في حال تاني خالص، والأشياء تحدث، والأفعال تُفعل، والحياة مستمرة، وهكذا يعني وكده