واضح إن احنا عندنا ازمه كبيره فى فهم حاجات كتير، منهم مثلًا فكرة برامج الكاميرا
الخفيه، ودى برامج المفروض بتتعمل بهدف الكوميديا او اضحاك الناس من خلال
مقلب خفيف يتعمل فى ضيف سواء كان فنان مشهور او شخصيه عاديه.
انما احنا عندنا تقريبًا الموضوع اتحوّل من كون البرنامج مقلب خفيف إلى مقلب مرعب قذر مش اكتر، برامج الكاميرا الخفيه بقت معظمها مبتذله ومستفزه، وماشيه على انماط محدده، يا اما تجيب ضيف تنرفزه وتطلع عين اهله لحد مايبدأ يتعصب عليك، يا اما ترعبه، او تعمل الحاجتين.
الحصيله من البرامج دى مع كل رمضان بتزيد، بس السنه دى انا عايز اتكلم عن برنامج خاص بعينه، هو برنامج مستفز هيتعرض على قناة النهار الحبكه بتاعته هتكون عباره عن زوجه بيتم استضافتها فى البرنامج ويبدأ المذيع يستفزها ببعض الاسئله عن حياتها واحوالها مع زوجها لحد ما فجأة يدخل عليهم الزوج ده بزوجه تانيه وزفه بلدى ولابس بدله والعروسه لابسه فستان ويكأنه فرح حقيقى فعلًا، فتقوم الزوجه منزعجه وتبدأ تتخانق معاه وتضرب فى الممثله إلى عامله عروسه وتضربه وتضرب المذيع وحتى اللى عامل مأذون.
الفكره بقى، ايه الاستفاده اصلًا من البرامج دى؟ ايه لازمتها يعنى؟ دى حاجه من وجهة نظرى قمة السخافه ومفيش فيها ريحة الكوميديا، يبقى ايه لازمتها بقى؟ اتمنى فى يوم من الايام اشوف برنامج كاميرا خفيه مضحك فعلًا ومن غير سخافه.
الخفيه، ودى برامج المفروض بتتعمل بهدف الكوميديا او اضحاك الناس من خلال
مقلب خفيف يتعمل فى ضيف سواء كان فنان مشهور او شخصيه عاديه.
انما احنا عندنا تقريبًا الموضوع اتحوّل من كون البرنامج مقلب خفيف إلى مقلب مرعب قذر مش اكتر، برامج الكاميرا الخفيه بقت معظمها مبتذله ومستفزه، وماشيه على انماط محدده، يا اما تجيب ضيف تنرفزه وتطلع عين اهله لحد مايبدأ يتعصب عليك، يا اما ترعبه، او تعمل الحاجتين.
الحصيله من البرامج دى مع كل رمضان بتزيد، بس السنه دى انا عايز اتكلم عن برنامج خاص بعينه، هو برنامج مستفز هيتعرض على قناة النهار الحبكه بتاعته هتكون عباره عن زوجه بيتم استضافتها فى البرنامج ويبدأ المذيع يستفزها ببعض الاسئله عن حياتها واحوالها مع زوجها لحد ما فجأة يدخل عليهم الزوج ده بزوجه تانيه وزفه بلدى ولابس بدله والعروسه لابسه فستان ويكأنه فرح حقيقى فعلًا، فتقوم الزوجه منزعجه وتبدأ تتخانق معاه وتضرب فى الممثله إلى عامله عروسه وتضربه وتضرب المذيع وحتى اللى عامل مأذون.
الفكره بقى، ايه الاستفاده اصلًا من البرامج دى؟ ايه لازمتها يعنى؟ دى حاجه من وجهة نظرى قمة السخافه ومفيش فيها ريحة الكوميديا، يبقى ايه لازمتها بقى؟ اتمنى فى يوم من الايام اشوف برنامج كاميرا خفيه مضحك فعلًا ومن غير سخافه.
No comments:
Post a Comment