مع الامير الاسمر عشُت ايام .. مالكولم اكس. (1)

شاب ذوى البشرة السمراء .. والدة كان رجل له شأن فى الكنيسة واحد من الرجال القليلين فى اللى وقفوا ضد النظام ساعتها و طالبوا بحقوق "الزنوج" زى ما كان بيتقال عليهم زمان.

مات والدة على ايد رجال "الكوكلوكس كلاين" جماعة كدة بيلبسوا ابيض يعنى تقدروا تقولوا الوايت بلوك اللى هناك بس هما جماعة متطرفة بتقتل حتى المسيحين اللى بيشوفوا من وجهة نظرهم ان دول مش ملتزمين.ظ

قتلوه علشان كان "اسود" دة كل ذنبه ..

تم ترحيله بعد موت والده لبيت تانى غير بيته .. بيت ناس لونهم "ابيض" .. كانوا بينادوه ب"زنجى" طول الوقت لحد ما افتكر ان دة اسمه!

مالكولم كان شاب ذكى جداً و متفوق فى الدراسة و انتخبوه رئيس للفصل و كان نفسه يبقى محامى .. المدرس بتاعه قاله ان الزنوج مينفعش يبقوا محامين .. ممكن يفكر يبقى نجار!

ساب الدراسة و عاش حياته بقى ادمان .. خمر .. نساء .. و كل اللطافه دى .. لدرجة انه كان بيفرد شعره علشان يبقى زى البيض!

المهم يعنى اتحول لمجرم .. سرق و شم هروين و كل الكلام دة .. و دخل السجن ايوة السجن دة كان بداية حياة جديدة لمالكولم اكس .. دخل السجن بتهمة السرقة و مصاحبة نساء بيض!

فى السجن قابل شخص مسلم .. عرفه الاول على تعريف الابيض و الاسود فى القاموس .. الابيض كان نقى و خالى من العيوب .. صادق.

و الاسود كان شيطانى و مُفسد و فيه كل الصفات القذره!

عرفه كمان على الاسلام بس بطريقة غلط فى الاول .. عرفه ان الشيطان ابيض و الملاك اسود و ان "ايلجيا محمد" رئيس منظمة امة الاسلام.

من هنا و بعد خروجه من السجن بدأ مالكولم عمله فى المنظمه ....
                                                                                       تُكمل .....


       

كلنا عاوزين سعادة .. بس اية هى السعادة؟

السعادة هى انك تبص فى الساعة تلاقيها 9 .. تبص بعد دقيقتين تلاقيها بقت 11.


السعادة كلمة غريبة .. كل شخص عنده تعريف ليها خاص .. كل واحد شايف السعادة من وجهة نظر مختلفة.

فى ناس سعادتها فى الفلوس بس .. بس دول بيلاقوا صعوبة فى معرفه شعور الناس ناحيتهم لانه غالباً بيكون نفاق.

فى ناس سعادتها بتكون فى قعدة وسط صحابهم .. فى لعب ماتش كورة .. فى ضحكة من القلب .. فى بنت تبصلة بصه!

ناس سعادتها فى النجاح فى انة يخلص حاجة بدأها .. فى كلمة حلوة تجيله من شخص عزيز عليه.

بعد كل دة مفيش اكتر من سعادة الام بمولودها .. فى هذة اللحظة يتوقف الزمن و لا ترى الام غير هذا الكائن الصغير الذى حملته تسع شهور و رأت كل التعب فى ولادته .. لكن سعادتها برؤيته تُنسيها كل شئ  :')

"و قل ربى ارحمهما كما ربيانى صغيراً" اللهم اجعل الجنة بيتها كما جعلت بيتنى جنة فى الارض.

و أنت مالك؟ هى راضية!

المكان: آخر كنبه فى ميكروباص الجمعية .. الزمان: الساعة التاسعة و الربع صباحاً


بنتٌ تراها فتقول "يوغتى .. شكلها محترمة ما شاء الله" حجابها يغطى شعرها بالكامل .. تتحدث بصوت غير مسموع مجرد همس .. ترتدي تى شيرت واسع فضفاض طويل و بنطلون جينز ازرق.

يجلس بجانبها شاب وسيم لا تغادر الابتسامه وجهه .. يهمسان لبعضهما فى سكون و تلمع عيونهم و هم يتحدثون .. يتشابكان الايدى .. تضع رأسها على صدره و هو يحتضنا تحت ذراعه .. يقبل رأسها كأنهما عروسين فى شهر العسل!

يعلو صوتها احيانا عندما تنتفض للرقص على اغانى "اوكا و اورتيجا" و "فيجو" و انا فى اللبوريه!

تسألت فى نفسى "تكونش اخته و انت مش بتظن ظن سيئ .. بس مفيش شخص يحضن اخته فى ميكروباص و لا حتى فى بيتهم! .. طب ما يكمن متجوزين فعلاً؟ ايوة بس مفيش فى ايديهم دبل!"

طالما مفيش علاقة ما بينهم غير انهم "زملاء" فى نفس الجامعة يبقى كدة فى حاجة غلط .. بس الغلط من مين؟ منها هى اللى سايباه يعبث فى كل شبر من ظهرها- قال يعنى بيدفيها- و ما خفى كان اعظم؟  ولا منه هو اللى مخفش على سمعته ولا سمعتها و عاش حياته عادى؟

انا لا اتفق مع الرأى اللى بيقول "اصل البنت هى اللى مش متربيه و هو غلط و بكره يعقل" الاتنين غلطانين من وجهة نظرى.

ابوها لو عرف ان بنته بتروح الجامعة علشان تعط مع صاحبها هيعمل اية؟ و التانى ابوه لو عرف انه بيدفعله فلوس علشان يروح يصاحب بنات كأنة رايح نادى هيعمل ايه؟!

أفتكرت ساعتها عادل امام و هو بيقول "دى مش جامعة دة كبارية!" الجامعة بقت شبه النادى كل واحد واخد صاحبته بهدوووووء فى جنب و عمالين ي.......(حط الكلمة اللى انت عايزها بين الاقواس).

طب ما يمكن محدش قالها ان دة غلط بحكم تعاليم دينها؟ يمكن برضه ما الدين بقى تقليد و محدش بيركز معاه دين مين و اخلاق مين؟ يا راجل كبر مخك!

كل حاجة بقت شبه التانية الجامعة بقت شبه النادى و النادى بقى شبه المصيف و المصيف بقى شبه الكباريه .. يا بيه اهى كلها مسميات!
اخطلت كل شئ بالاخر تهنا لما حبينا نقلد الغرب .. حتى مفكرناش يكون لينا شكل خاص بينا .. اصبحنا تابعين درجة تالتة.

نضرب بديننا و اخلاقنا و عاداتنا عرض الحائط .. فاكرينها شطارة اننا نبقى كدة منفتحين!

عندنا دين عاش اكتر من 1400 سنة بنقتله بأيدينا .. اخلاق كان يتحدث عنها الغرب كأنما وجدت فى العرب فقط .. و نحن نتركها لكى نكن تابعين!!

اذا لم نرتقى بأخلاقنا و نحترم ديننا الذى دنسناه بأفعالنا و اخلاقنا التى نسيناها لن نتقدم خطوة واحدة .. استقيموا يرحمكم الله.

هابى فالينتين داى .. و انت من اهله!

*هذا الموضوع فقط للمنفسنين المعقدين اللى مش لأقين حد يصاحبهم فى اليوم دة و بيسموا نفسهم "Single" بس .. اصحاب القلوب الحمراء و الدباديب يمتنعون* P:

من ساعة ما سمعت عن حاجة اسمها Valentine's day و انا بسأل نفسى مين فالينتين دة اللى عملينله يوم فى التاريخ الناس تحب بعض فيه و يلبسوا احمر و يجيبوا هدايا و دباديب (مش كل الناس طبعاً) D:

بأختصار كدة فالينتين دة قس من القرن الثالث عاش فى زمن الرومان و كدة .. اولاً بس علشان نبقى على "وفاق" تلات تربع القساوسة فى الوقت دة كان اسمهم فالينتين يعنى اسم شائع بينهم مش لشخص مميز يعنى!

ثانياً اية علاقة يوم واحد اسمهم "القديس فالينتين" بعيد الحب؟ اية ها اية؟

قالك بقى اللى عنده المعلومات ان القديس فالينتين دة مات محروق فى سبيل الحب و كلام زى كدة الكلام دة حصل فى القرن الثالث الميلادى .. قوم اية بقى؟ يبدأ الاحتفال باليوم دة بعد 15 قرن .. يعنى فى القرن ال18!

قس اسمه الن باتلر و مؤرخ و متخصص فى الاثريات اسمه فرانسيس دوس عملوا اليوم دة فى القرن الميلادى الثامن عشر .. يعنى قعدوا 15 قرن ما بيحتفلوش بالراجل قوم يجى دول بعد كل دة و يحيوا ذكراه بالحب .. ما اعظم الحب!

القصد و من الاخر كله اى كلام فى الحمادة علشان بس يكون فيه يوم الدباديب و الهدايا دى تتباع فيه و خلاص .. بيحللوا القرش!

فى النهاية برضه لكل الناس اللى هتحتفل باليوم اللى مالوش اثر فى التاريخ دة .. Happy Fu**** Valentine's day! :D

"و هل جزاء الاحسان الا الاحسان"؟ .. سؤال من الله و الرد عندك انت!

يقول الله تعالى فى كتابه العزيز "و هل جزاء الاحسان الا الاحسان"

سؤال بسيط جداً ابسط من اى سؤال ممكن تتسأله فى حياتك .. بس الاجابة مش بسيطة .. مش ايوة و خلاص!

الاية دى تفسيرها ان مع عملك الكويس و احسانك فى الدنيا هتلاقى الاحسان فى الاخره بدخول الجنة دة اقصى مستويات الاحسان .. المستوى التانى فى الدنيا انه احسانك للناس فى الدنيا يقابله احسان من الناس فى الدنيا برضه و احسان من رب العالمين فى الاخره.

طيب ما ممكن اعامل حد كويس و احسن ليه و هو يعاملنى وحش؟

صح .. بس استنى مش معنى كدة ان الاحسان دة مش هيترد لك .. هيترد بس فى موقف تانى.

قانون و وضعه الله على الارض .. جزاء الاحسان لابد ان يكون الاحسان.

الاحسان دة بقى ممكن يكون ازاى؟

قال رسول الله صلِّ الله عليه و سلم: (الاحسان ان تعبد الله كأنك تراه فان لم تكن تراه فانه يراك) يعنى تعبد الله كأنك شايفه و تتقى الله فى السر و العلن متتكلمش وحش على حد فى سرك .. اتقن عملك حتى لو مش عليك رقيب .. الله يراك.

بر الوالدين و معاملتهم الطيبه .. احسان هيترد لك و هتلاقى ولادك يعاملوك كويس "و قل ربِ ارحمهما كما ربيانى صغيراً".

محافظتك على شعور الناس حواليك فى المواصلات .. احسان .. متعليش صوتك و انت بتتكلم راعى شعور الناس اللى حواليك.

كلامك الطيب مع الناس و ابتسامتك فى وشوشهم .. احسان.

معامله صديقك او جارك المختلف معاك او عنك فى الفكر او الديانة معامله طيبه .. احسان .. متخليش التعصب يعميك تعامل بخلق رسولك الكريم :)

معامله الحيوانات كويس .. احسان .. ايوة احسان انت متعرفش قصة قصة الرجل اللى سقى الكلب فى خُفه يعنى جزمته دخل الجنة و المرأة اللى سقت كلب برضه و دخلت الجنة.

نصيحتى ليا قبل ما تكون ليكم .. احسن الى الناس و لا تنتظر المقابل .. سيرد اليك فى الدنيا و الاخره ان شاء الله :)

عيسى بن مريم .. قول الحق الذى هم فيه يمترون.

هذا الكلام ليس رداً على ادعاءات جاهل او اعتذاراً لأحد .. لأن من يخطئ بسيدنا عيسى عليه السلام روح الله و كلمته قد اخطاء فى الاسلام كله! الايمان بسيدنا عيسى "واجب" فى الاسلام.

امه السيده مريم بنت عمران العذراء الطهور خير نساء العالمين .. لم تكن ككل النساء فى هذا الوقت لأن النساء لم يكن يهبن انفسهن لخدمة الدير و طاعة الله و هذا العمل كان للرجال فقط .. اما هى فوهبت حياتها لله :)

فاكرمها الله بغلاماً زكياً .. طاهراً من الذنوب طيب الخلق .. مباركاً اينما ذهب .. هو عيسى عليه السلام.
---------------------------------------------------------------------------------------

طيب قومه-بنى اسرائيل- كرهوه لية؟ مع انه كان رحمه تمشى على الارض لا يؤذى احداً!

لانه كان عايز يحسن حياتهم .. اه كرهوه علشان بيذكرهم بعبادة الله .. كرهوه علشان كان بيشفى الاكمى و الابرص بقدرة الله فقالوا عليه ساحر و تعاونوا مع الوثنين ضده!

امن به قليل من قومه سموا "بالحوارين" .. لكنهم معرفوش يأثروا فى البقيه .. فحاربوه بكل الطرق علشان ميوصلش دعوته للناس.

عملوا مكافأه لليدل على مكانه .. فدل على مكانه واحد اسمه "يهوذا" كان جشع جداً قبل الفلوس مقابل انه يسلم سيدنا عيسى.

سمعت قبل كدة مقوله كانت فى فيلم مش فاكر اسمه :) بتقول "لو ان المسيح عاد الى الارض لوجد الف يهوذا فى انتظاره" لان الجشع و الطمع بقى سمه من سمات عصرنا دة.

لكل اللى بيتكلموا على سيدنا عيسى بسوء احب اقولهم سيدنا عيسى عمره ما اذى حد .. شوف انت بقى اذيت كام واحد بكلامك عليه.

سيدنا عيسى روح الله و كلمته .. سلامٌ عليه يوم ولد و يوم يموت و يوم يُبعث حياً.

تمكين سيدنا يوسف فى السن الصغير دة؟ ازاى بس دة معندوش اى خبره و معندوش علم بأى شئ؟ لو كان مكانه راجل كبير كان عرف يحكم احسن او كان عرف يتصرف احسن.

الكلام دة بيجى فى عقل كل شخص لما يجى شاب صغير و يمسك منصب كبير ....

بينسوا ان الخبرة مش بالسن الخبرة بالتعلُّم و ربنا وضع سيدنا يوسف فى اكتر من اختبار و عدى منهم كلهم ما يمسكش منصب لية؟ اية اللى يمنع؟

الحقيقة فكرت كتير فى السؤال دة و مالقيتش اجيبة غير مفيش حاجة تمنع!

تمكين سيدنا يوسف كان تمكين اللهى و لكن ربنا سبب الاسباب .. مرور سيدنا يوسف بكل الصعاب دى فى حياته كان اول الطريق .. التجارب هى اللى علمته .. و دة يعلمنا حاجة مهمة ان كل التجارب اللى تمر بيها فى الحياة لازم تأخد العبرة منها حتى لو كانت مواقف صعبة :)

مرور سيدنا يوسف بأختبارات صعبة زى البير و امرأة العزيز بيبن مدى ايمانه بالله .. "التربية الايمانية" تحققت فيه. واحد

تعامله مع من فى السجن و مع غيرهم من اهل مصر و هى بلد غريبة عليه يبين قد ايه هو كان اهل و جدير بالتمكين دة .. قدر "يتعايش" مع من حوله برغم الغربه و اختلاف العادات. اتنين

طبعاً التجارب اللى مر بيها اكبر "تربية عملية" له و نجح فيها بأمتياز. تلاته

نجي بقى لاخر جزء و هو التمكين المستحق له بعد اللى شافه طول حياته .. سنه صغير؟ متفرقش.

معندوش خبرة؟ جايز بس هو مر بتجارب كتير و اتعلم منها و دة دليل على انة جدير بأى منصب.

لو كان مكانه راجل كبير كان عرف يتصرف؟ جايز بس هو مر بتجارب لو كان مكانه فيها راجل كبير لأخطأ و لكن هذا الشاب لم يخطئ و تمسك بأيمانه بالله.

اللى اتعلمته من قصة سيدنا يوسف انه مهما عديت بمصاعب فى الحياة لا تحزن :) .. حاول تستفيد بيها هتبقى اقوى ..


"تعلم من الأخطاء واعترف بها حتى تصل إلي الحقائق التي تمكنك من التفكير دائماً في النجاح وإمكانية تحقيقه"

سيدنا يوسف تحققت فيه كل مبادئ صانع الحياة .. التربية بالايمان .. تمكين الشباب .. تعايش .. تربية عملية.

اللهم اجعل فى كل شباب و شابات صناع الحياة علم و تقوة سيدنا يوسف .. آمين :)

تمكين سيدنا يوسف و هو فى السن دة؟ .. طب ازاى؟

هو دة السؤال اللى سألته اول ما سمعت الاية .. ازاى ربنا يمكن سيدنا يوسف فى سن صغير زى دة؟ .. ازاى حياة سيدنا يوسف كان باليأس دة و عرف يطلع منها؟

تخيل كدة اقرب الناس ليك .. اخواتك مثلاً ضربوك و رموك فى بير فى الصحراء و مشيوا و انت لوحدك بقى فى البير احساسك هيكون اية؟ مفيش اكل مفيش شرب مفيش نور .. مفيش غير حياة انت بس لسة عايش!

قاعد كدة تلاقى حبل الدلو نازل البير تمسك فيه تقول فى امل تفكر اخواتك قلبهم حن و رجعولك .. تطلع تلاقى راجل من قافلة مسافر رايح بلد انت متعرفهاش! تروح معاه ولا تفضل فى الصحراء؟

تروح معاه بقى و خلاص .. يشتريك عزيز مصر او رئيسها تفرح و تقول هعيش كويس تيجى مراته ترمى نفسها عليك و هى حلوة ها!؟ هتعمل اللى هى بتطلبه منك؟ ولا هتخاف ربنا؟ خليك فاكر امرأه العزيز مال و جمال.

هى بقى تجيبلك صاحبتها و يقعدوا فى بيتها و يقطعوا ايديهم بسببك و تخيرك يا اما يعنى ت..... انت عارف بقى و دول حلوين كمان و مش واحدة لا اكتر من واحدة و تخيرك يا كدة يا تخش السجن .. هاتختار اية؟

كل دة حصل لسيدنا يوسف .. لكن التمكين بقى فين من كل دة؟ احب اعرف رأيكم قبل ما نتكلم فى التمكين :)